Urtean Zeharreko XXVI. Asteko Larunbata

Izan bihotz, ene herri,

Israelen izenari bizirik eusten deutsazun horrek!

Jentilei salduak izan zaree,

baina ez hondatuak izateko;

Jainkoaren hasarrea biztu dozuelako,

itzi zaitue arerioen esku.

Zeuen Egilea sumindu dozue,

deabruei, eta ez Jainkoari, sakrifizioak eskeiniz.

Ahaztu egin dozue

jaten emon eutsuen Jainko betierekoa,

eta atsekabetu

hazi zinduezan ama Jerusalem.

Jainkoaren zigorra gainean zala ikustean,

Jerusalemek esan eban:

«Entzun, Siongo auzook:

nahigabe handia bialdu deust Jainkoak.

Seme-alabak katigu joaten ikusi ditut,

Jainko betierekoak bialdurik.

Pozik hazi nituan, negarrez eta nahigabez itzi joaten.

Ez bedi inor poztu,

ni alargun eta danek baztertuta ikustean:

seme-alaben pekatuakaitik gelditu naz bakarrik,

Jainkoaren legetik desbideratu diralako.

Izan bihotz, ene seme-alabok,

eta egin deadar Jainkoari!

Gogoratu da zuetaz

zoritxarreko egoera horretara eroan zaituena.

Iraganean Jainkoagandik urruntzea erabagi bazenduen,

bihurtu orain Beragana, are gogotsuago Bera bilatuz.

Zoritxarra bialdu deutsuenak berak

salbatuko zaitue eta poza emongo betiko».

R/ Behartsua dau Jaunak aditzen.

Ikusi egizue, apalok, eta poztu,

izan bihotz, Jainkoaren bila zabilzenok.

Izan ere, entzuten deutse Jaunak behartsuei,

ez ditu gutxiesten Hari lotuak.

Goratu begie zeru-lurrek, *

itsasoak eta bertan bizi diran guztiek. R/.

Salbatuko dau, bai, Jainkoak Sion,

eregiko ditu barriro ere Judako uriak;

bertan biziko dira eta haren jabe izango.

Jainkoaren zerbitzarien ondorengoak izango dira oinordeko,

haren izena maite dabenak han biziko. R/.

Honeen aingeruek zeruko nire Aitaren aurpegia ikusten dihardue eten barik zeruan.

ALDI haretan, hurreratu jakozan ikasleak Jesusi eta itaundu eutsoen: «Nor da handiena zeruetako erreinuan?» Jesusek, umetxu bati deitu, hareen artean jarri eta esan eutsen: «Benetan dinotsuet: Aldatu eta umeen antzeko bihurtzen ez bazarie, ez zarie sartuko zeruetako erreinuan. Beraz, bere burua ume honen antzera apaltzen dauana, hori da zeruetako erreinuan handiena. Eta honetariko ume bat nire izenean onartzen dauanak Neu onartzen nau.

Kontuz! Ez dagizuela txiki honeetariko inor gitxitzat hartu! Ze, egia esan, honeen aingeruek zeruko nire Aitaren aurpegia eten barik ikusten dabe zeruan.

Jaunak esana.

Nire aingerua izango dozu gidari.

HAUXE dino Jaunak: «Hara, aingerua bialduko deutsut gidari, bidean

zaindu eta prestatu deutsudan tokira eroan zagizan. Izan begirune

berari eta egin haren esana. Ez jarri haren aurka, nire izenean dihardualako

eta ez deutsu esana ez betetzea jasango. Haren esana egiten badozu, barriz,

eta Nik agindutako guztia betetzen, zure arerioen arerio eta zure aurkarien

arkari izango naz. Nire aingerua izango dozu gidari».

Jaunak esana.

R/ Bere aingeruei agindu deutse, zu bide guztietan zaintzeko.

V/.

Goi-goikoaren aterpean bizi zaran horrek,

gaua Ahaltsuaren kerizpean emoten dozun horrek,

esaiozu Jaunari: «Zu nire babesleku eta gaztelu,

ene Jainko, Zugan dot konfiantza». R/.

V/.

Harek libratuko zaitu ehiztariaren saretik

eta izurri galgarritik.

Bere lumapean kerizpetuko zaitu,

haren hegopean izango dozu babesleku,

haren besoa babeski eta koraza. R/.

Honeen aingeruek zeruko nire Aitaren aurpegia ikusten dihardue eten barik zeruan.

ALDI haretan, hurreratu jakozan ikasleak Jesusi eta itaundu eutsoen: «Nor da handiena zeruetako erreinuan?» Jesusek, umetxu bati deitu, hareen artean jarri eta esan eutsen: «Benetan dinotsuet: Aldatu eta umeen antzeko bihurtzen ez bazarie, ez zarie sartuko zeruetako erreinuan. Beraz, bere burua ume honen antzera apaltzen dauana, hori da zeruetako erreinuan handiena. Eta honetariko ume bat nire izenean onartzen dauanak Neu onartzen nau.

Kontuz! Ez dagizuela txiki honeetariko inor gitxitzat hartu! Ze, egia esan, honeen aingeruek zeruko nire Aitaren aurpegia eten barik ikusten dabe zeruan.

Jaunak esana.