Gure asabak gizaki onak ziran; hareen gomuteak beti iraungo dau.
Egin dagigun gizon ospetsuen goraipamena,
gure asabena, belaunez belaun.
Batzuek ez dabe gomutarik itzi,
izan ez balira lez desagertuz;
izatera heldu ez balira lez dira,
eurek eta euren ondorengoak.
Ez, ostera, gure asabak, gizon zintzoak;
euren egintza onak ez dira ahaztu;
euren ondorengoakan irauten dabe,
euren ondarea seme-alabakana igaro da.
Honeek zintzo gorde dabez itunak,
ondorengoek ere bai, eurei esker.
Euren ondorenak beti iraungo dau,
eta euren ospea ez da desagertuko.
R/ Maite dau Jaunak bere herria.
Kanta Jaunari kantu barria,
kanta haren gorapena fededunen batzarrean.
Poztu bedi Israel bere Egileaz,
alaitu siondarrak euren Erregeaz. R/.
Goratu begie haren izena dantza eginez,
jo begire Harentzat danbolina eta zitara.
Maite dau-eta Jaunak bere herria,
garaipenez jantziko ditu umilak. R/.
Alaitu bediz fededunak Jainko ospetsuaz,
egin begie pozez oihu euren etzalekuetan.
Bego Jainkoaren gorapena hareen eztarrian.
Ohorea da haren fededun guztientzat. R/.