Eten barik goratuko dot zure izena.
ZURE errukiaz gogoratu nintzan, Jauna,
eta Zuk gure alde betidanik egindakoaz:
onik ataratzen dozuzala Zugan itxaroten dabenak
eta gaiztoen eskuetatik libratzen
R/ Jaunaren arauak zuzenak dira, bihotzaren asegarri.
Jaunaren legea bikain, barrua berbizteko,
Jaunak iragarria sendo, ezikasiak eskolatzeko.
Jaunaren arauak zuzen, bihotzaren asegarri,
Jaunaren aginduak garbi, begien argi. R/.
Jaunaren bildurra garbi, iraungarri betiko,
Jaunaren erabagiak egiazko, guztiak guztiz bidezko.
Urrea baino, urre araztua baino maitagarriago,
ezti-orrazia baino gozoago. R/.
Zein eskubidez egiten dozuz gauza honeek?
Aldi haretan, Jesus eta ikasleak Jerusalemera etorri ziran barriro. Jesus tenpluan ebilela, abadeburuak, lege-maisuak eta zaharrak hurreratu jakozan, itaunka: Zein aginpidez jokatzen dozu holan? Nork emon deutsu horretarako aginpidea?
Jesusek erantzun eutsen: Nik ere gauza bat itaunduko deutsuet; erantzuidazue, eta nik ere esango deutsuet zein aginpidez jokatzen dodan holan. Joan Bateatzaileak Jainkoaren aginduz ala giza aginduz bateatzen eban? Erantzun!
Hareek honan inoen euren artean: Jainkoaren aginduz ziharduala esaten badeutsagu, zergaitik ez geuntsan sinestu erantzungo deusku. Baina zelan esan giza aginduz ziharduala? Honetarako, jentearen bildur ziran, guztiek benetako profetatzat eben-eta Joan. Beraz, erantzun eutsoen: Ez dakigu.
Jesusek, orduan: Ba, Neuk ere ez deutsuet esango zein aginpidez jokatzen dodan holan.
Liburu honen irakurgai guztiak lezionarioan: Markos →