Adiskidearen balioak ez dau neurririk.
Aho goxoak adiskideak ugaritzen ditu,
mihin atseginak hartuemon onak gehitzen.
Izan daitezala asko agurtzen zaituenak,
baina aholkulariak milatik bat.
Adiskide bat egiten dozunean, ibili kontuz,
eta ez jarri arinegi konfiantzea beragan,
izaten da-eta berari komeni jakonean laguna danik,
eta atsekabealdian irauten ez dauanik.
Izan ohi da adiskiderik, arerio bihurtu
eta, zuen arteko auzia argitaratuz, lotsatuazoten zaituanik.
Izaten da adiskiderik, mahaikide izan
eta atsekabealdian irauten ez dauanik;
oparotasunean zabilzanean, zugaz bat da,
zure zerbitzariekaz ere atsegingarri;
baina behea jota bazagoz, aurka jarriko jatsu
eta ezkutatu egingo da zugandik.
Urrundu zaitez arerioakandik,
ibili kontuz adiskideekin.
Adiskide zintzoa, babesleku segurua;
aurkitzen dauanak altxorra aurkitzen dau.
Adiskide zintzoak ez dau preziorik,
balioa neurtezina dau.
Adiskide zintzoa osasungarri da bizitzan;
Jaunari begirunea deutsoenek aurkituko dabe.
Jaunari begirunea deutsanak ondo bideratzen dau adiskidetasuna;
zelakoa dan bera, halakoa izango da laguna.
R/ Eroan nagizu, Jauna, zeure aginduen bidezidorretik.
Bedeinkatua Zu, Jauna,
irakatsi niri Zeuk ezarriak.
Zuk ezarrietan izango dot neure atsegina,
ez ditut ahaztuko zure hitzak. R/.
Edegi egizuz nire begiak,
Ikusi dagidazan zure legearen mirariak.
Eskolatu nagizu zeure arauen bideetan,
hausnar egingo dot zure mirarietan. R/.
Argitu nagizu zeure legea bete dagidan,
bihotz-bihotzez gorde dagidan.
Eroan nagizu zeure aginduen bidezidorretik,
atsegina haretantxe jat-eta. R/.