Jesu Kristo berbera da atzo eta gaur; berbera gizaldi eta gizaldietan ere.
Senideok: Iraun egizue senide-maitasunean. Ez ahaztu arrotzei ostatua emotea, holan jokatuz, zenbaitek jakin barik aingeruak hartu ebazan-eta etxean. Gogoan izan preso dagozanak, zeuek ere hareekin preso bazengoze lez; baita tratu txarrak hartzen dabezanak ere, zeuek ere, hareek lez, gorputza dozue-eta.
Hartu egizue guztiok ezkontza errespetu handiz, eta izan garbi ezkontza-hartuemonetan, epaitu egingo ditu-eta Jainkoak lizunak eta adulteriogileak.
Ez izan diru-gose; egon pozik dozuenagaz, Jaunak esana dau-eta: «Ez zaitut itziko, ez baztertuko». Beraz, uste osoz esan daikegu:
«Jauna dot laguntzaile, ez naz bildur:
zer egin daike nire kontra gizakiak?»
Gogoratu egizuez Jainkoaren berbea agertu eutsuen zeuen gidariak, eta jarraitu euren fedeari, zelan bizi eta zelan hil diran kontuan hartuz.
Jesu Kristo bat bera da atzo, gaur eta beti.
Salmoa · Sal 26, 1bcde. 3. 5. 8c-9abcd (R.: 1b)
Itzulpen ofizialik ez dago oraindik bizkaieraz.
Irakurri gaztelaniaz →