Sion mendira hurreratu zaree, Jainko biziaren herrira.
Senideok: Zuek ez zaree hurreratu, israeldarrak lez, ikutu daiteken mendi batera, su kiskalgarria, hodei itxia, ilunpea eta ekaitza egozan mendira; ez dozue entzun turuta-hotsik, ezta ahotsik ere. Ahotsa entzun eben israeldarrek ez ekiela gehiago berba egin eskatu eben. Hain zan ikaragarria ikuskizuna, Moisesek berak ere esan eban-eta: «Bildur-ikaraz nago».
Zuek Sion mendira hurreratu zaree, Jainko biziaren urira, zeruko Jerusalemera, Jainkoa goresteko baturik dagozan milaka eta milaka aingerurengana, euren izenak zeruetan idatzirik daben lehen-semeen batzarrera, guztien epaile dan Jainkoagana, euren helburura heldu diran zintzoen espirituetara, eta itun barriaren bitarteko dan Jesusegana, Abelena baino indartsuago berba egiten dauan odolaz garbitu gaituanarengana.
Salmoa · Sal 47, 2. 3-4. 9. 10-11 (R.: 10)
Itzulpen ofizialik ez dago oraindik bizkaieraz.
Irakurri gaztelaniaz →