Nekaldi burruka handia izan zenduen. Ez galdu, beraz, zuen uste ona.
Senideok: Gogoratu egizuez hasierako egun hareek: fedearen argia hartu barri haretan burruka gogor eta neketsua egin behar izan zenduen. Zuetako batzuek irainak eta tratu txarrak jasan zenduezan guztien aurrean; besteok, holan erabilitakoen lagunkide izan zineen; giltzapetuen oinazeetan parte izan zenduen eta pozik sufritu zenduen zeuen ondasunak kendu eutsuezanean, aberastasun hobea eta iraunkorragoa zenduela jakinik.
Ez galdu, beraz, adorea, beragaz sari handia dakar-eta. Iraupena behar dozue, Jainkoaren nahia betez agintzaria eskuratzeko.
Izan ere, «laster, oso laster,
etorriko da etortekoa, ez da luzatuko.
Nire zintzoa fedeari esker biziko da;
baina atzera egiten badau,
ez dot atsegin izango».
Gu, ostera, ez gara atzera egin eta hondatzen diranetakoak, fedearen bidez salbamen bila dabilzanak baino.
R/ Zintzoek salbamena Jaunagandik dabe.
Itxaron egizu Jaunagan, eta egizu on,
bizi zaitez zeure lurrean, eta leial iraun.
Jaunagan atsegina hartu egizu,
eta bihotzak eskatzen deutsuna emongo deutsu. R/.
Zure joan-etorria Jaunari itzi egiozu,
Bera antolatuko da, Haregan itxaron egizu.
Goiz argia lez jazoazoko dau zure zintzotasuna,
eguerdia lez zure zuzentasuna. R/.
Giza urratsa Jainkoak dau sendo ezarten,
eta haren bideaz atsegin hartzen.
Jaustan bada ere, ez dau joko lurrik,
Jaunak dauka-eta eskutik. R/.
Zintzoek salbamena Jaunagandik dabe,
larrialdian ihesleku Bera dabe.
Laguntzen deutse Jaunak eta onik ataraten,
gaiztoen eskutik ataraten:
Haregana batzen diralako ditu salbatzen. R/.