R/ Gizajoakaz ez ahaztu,Jauna.
Jauna, zergaitik gelditzen zara urrun?
Zergaitik ezkutatzen larrialdian?
Gaiztoak harrokeriaz erasoten deutso dohakabeari,
asmatzen dituan azpikerietan dauko harrapatuta. R/.
Bere handinahiaz harro dabil gaiztoa,
irabazi-gosea goratzen dau, eta Jauna gutxiesten.
Gaiztoak, harropuzturik, pentsatzen dau:
«Ez da kontuak eskatuko deustan jainkorik». R/.
Beteta dauko ahoa madarikazinoz, maltzurkeriaz eta gogorkeriaz,
mihinpean ditu gordeta okerra eta gaiztakeria.
Zelatan egoten da herri-inguruetan,
ezkutuan hilten dau errubakoa;
ez deutso begirik kentzen dohakabeari. R/.
Zuk, ostera, ikusten dozuz neke eta nahigabeak,
ikusten eta zeure gain hartzen.
Zugan izten dau gixajoak bere zoria,
Zu zaitu umezurtzak laguntzailea. R/.