Lehen Irakurgaia · Si 17, 24-29
Itzulpen ofizialik ez dago oraindik bizkaieraz.
Irakurri gaztelaniaz →R/ Poztu zaiteze eta alaitu Jaunagan, zintzoak.
Bai dohatsu gaiztakeria parkatu jakona,
hobena estaldu jakona.
Bai dohatsu Jaunak errurik egozten ez deutsana,
barruan iruzurrik ez dauana. R/.
Nire hobena autortu deutsut,
nire errua ezkutau ez deutsut.
Autortuko deutsat -esan neban- Jaunari neure gaiztakeria,
eta Zuk parkatu zeustan nire hobenaren txarkeria. R/.
Horregaitik, zintzoak larrialdian Zuri otoitz egingo;
uholdea oldartzean urik ez jako helduko.
Zu zaitut ihesleku: estualditik Zeuk nozu babesten,
askatasun pozez inguratzen. R/.
Saldu daukazuzan guztiak, eta jarraitu Niri.
Aldi haretan, Jesus abiatzera joiala, gizon bat etorri jakon lasterka eta, aurrean belaunikaturik, itaundu eutsan: Maisu ona, zer egin behar dot betiko bizia ondaretzat jasoteko?
Jesusek erantzun eutsan: Zergaitik esaten deustazu ona? Inor ez da ona, Jainkoa besterik. Badakizuz aginduak: ez hil inor, ez egin adulteriorik, ez ostu, ez egin guzurrezko testigantzarik, ez egin kalterik, hartu aintzat aitamak. Harek, orduan: Maisu, gazte-gaztetatik bete izan dot hori guztiori.
Jesus maitasunez begira jarri jakon, eta esan: Gauza bat besterik ez jatsu falta: zoaz, saldu daukazun guztia eta emon behartsuei, eta altxorra izango dozu zeruan; gero, zatoz eta jarraitu Niri. Berba honeek entzutean, ilun jarri zan gizona eta nahigabez joan, ondasun handien jabe zan-eta.
Orduan, Jesusek, ingurura begiratuz, esan eutsen ikasleei: Bai nekez sartuko dirala aberatsak Jainkoaren erreinuan! Harriturik itzi ebazan ikasleak esaldi honek. Baina Jesusek barriro ere: Ene semeok, bai zaila dala Jainkoaren erreinuan sartzea! Orratzaren begitik gamelua igarotea errazago, aberatsa Jainkoaren erreinuan sartzea baino.
Ikasleek, gero eta harrituago, alkarri inotsen: Nor salbau daiteke, orduan? Jesusek begira-begira jarri eta esan eutsen: Gizakiarentzat ezinezkoa da, baina Jainkoarentzat ez, dana daike-eta Jainkoak.