Lehen Irakurgaia · Zen 21, 4-9
Itzulpen ofizialik ez dago oraindik bizkaieraz.
Irakurri gaztelaniaz →R/ Entzun nire otoitza, Jauna, betor nire oihua Zugana.
Entzun nire otoitza, Jauna,
betor nire oihua Zugana.
Ez egidazu ezkutatu zeure aurpegia,
estu nazan aldian.
Belarri hori nigana bihurtu egizu,
nik Zuri deitzean, arin entzun egidazu.R/.
Atzerriek begirunez hartuko dabe zure izena, Jauna,
lurreko errege guztiak zure goitasuna,
Jaunak Sion lehengoratzean,
Bera eder agertzen danean.
Behartsuen otoitzera bihurtukoa,
eta ez dau gitxietsiko horreen otoitza.R/.
Idatzi bedi hau hurrengo gizaldiarentzat,
Sortuko dan herriak Jauna goretsi dagian.
Jaunak begitu dau bere jauretxe garaitik,
begiratu dau lurrera zerutik,
atxilotuen negar zotinak entzuteko,
heriotzara galduak askatzeko.R/.
Gizonaren Semea jasoko dozuenean, orduan jakingo dozue Neu nazala.
Aldi haretan, Jesusek esan eutsen fariseuei: «Ni banoa, eta nire bila ibiliko zaree; baina zeuen pekatuan hilgo zaree. Ni noan tokira zuek ezin zaree joan». Orduan, entzuleek esan eben: «Bere burua hil behar ete dau? Horregaitik esan ete dau "Ni noan tokira zuek ezin zaree joan"?»
Jesusek jarraitu eban: «Zuek behekoak zaree, Ni goikoa naz; zuek mundu honetakoak zaree, Ni ez naz mundu honetakoa. Horregaitik esan deutsuet, zeuen pekatuetan hilgo zareela; izan ere, "Neu nazala" sinesten ez badozue, zeuen pekatuetan hilgo zaree-eta». Orduan, esan eutsoen: «Nor zara Zu?»
Jesusek erantzun: «Hasieratik dihardut zuei esaten. Badot zuetaz zer esanik eta zer gaitzetsirik asko. Bialdu nauana fidagarria da; eta Nik Hari entzun deutsadana, horixe bera esaten deutsat munduari». Hareek ez ziran jabetu Aitaz berba egiten eutsela.
Jesusek, beraz, esan eutsen: «Gizonaren Semea jasoko dozuenean, orduan jakingo dozue Neu nazala, eta ez dodala neurez ezer egiten; Aitak erakutsi deustana bakarrik esaten dodala baino. Ni bialdu nauana Nigaz dago; ez nau bakarrik itzi, Harek atsegin dauana egiten dot-eta beti».
Jesusek gauza honeek esan zituanean, askok sinestu eban Beragan.